Breskir bankar hækka verulega í verði

Hlutabréf í bresku bönkunum Northern Rock og Alliance and Leicester hækkuðu verulega í verði í morgun við opnun Kauphallarinnar í Lundúnum. Nam hækkun Northern Rock 8,84% en bankinn hefur verið mikið í kastljósinu undanfarna daga eftir að bankinn viðurkenndi í síðustu viku að eiga við lausafjárskort að stríða. Breska ríkisstjórnin tilkynnti í gær að hún myndi tryggja allar innistæður viðskiptavina bankans.

Bankinn Alliance and Leicester hefur hækkað um 24,25% það sem af er degi.

Þrátt fyrir hækkun bankanna tveggja hefur FTSE hlutabréfavísitalan lækkað um 0,2% það sem af er degi. Í Frankfurt hefur DAX vísitalan lækkað um 0,19% og CAC vísitalan í París hefur lækkað um 0,29%.

• 2 blogg um fréttina

Bloggað um fréttina

• Þórir Kjartansson: Hvað myndi gerast hér.
• Ívar Pálsson: Áhættuflóttinn heldur áfram, en þó!