„Skammarlegasta tímabil ævi minnar“

Fjöldi manns hlýddi á frásögn og varnaðarorð Nicks Leesons á hótel Nordica í morgun, er hann sagði frá "skammarlegasta tímabili ævi sinnar," eins og hann orðaði það, eða þegar hann fyrir þrettán árum átti stærstan þátt í því að Barings-bankinn breski fór á hausinn. Leeson var þá 25 ára verðbréfamiðlari bankans í Singapúr.

Fyrir þátt sinn í hneykslinu var Leeson dæmdur í sex og hálfs árs fangelsi í Singapore. Hann er nú búsettur á Írlandi, með konu sinni og þrem börnum. Hann er framkvæmdastjóri knattspyrnuliðsins Galway United. Hann hefur haldið fyrirlestra á fjölmörgum ráðstefnum og öðrum samkomum.

Leeson sagði m.a. í morgun, að hann hafi á sínum tíma nýtt sér það hversu slök stjórnun Baringsbankans hafi verið, og margir yfirmenn bankans verið vanhæfir og haft lítið vit á því sem þeir höfðu á sinni könnu. Að því leyti hafi Barings í rauninni verið „yfirvofandi stórslys.“

Vefsíða Leesons

• 2 blogg um fréttina

Bloggað um fréttina

• Lárus Vilhjálmsson: Ég veit ekki........
• Heiða Þórðar: og skal...