Segja yfirtökuviðræður standa yfir

Stjórnendur breska bankans Northern Rock segja að yfirtökuviðræður standi yfir við nokkra aðila án þess að nafngreina þá. Bankinn ætlar ekki að greiða út arð líkt og áætlað var en til stóð að greiða 59 milljónir punda sem Northern Rock hafði skuldbundið sig til að greiða helstu stjórnendum og hluthöfum bankans, þann 26. október. Enda þykir víst að slíkt hefði valdið mikilli reiði meðal almennings vegna þeirra fjárhagserfiðleika sem bankinn á í.

Verð á hlutabréfum Northern Rock hefur lækkað hressilega að undanförnu en markaðsvirði bankans hefur minnkað um 73% undanfarnar vikur vegna lækkunar á gengi hlutabréfa bankans í Kauphöllinni í Lundúnum.

• 1 blogg um fréttina

Bloggað um fréttina

• Brynjar Hólm Bjarnason: Banki í vandræðum.