Olíuverð nálgast 100 dali

Verð á hráolíu hefur hækkað á mörkuðum í morgun. Þannig fór verð á olíu í framvirkum samningum með afhendingu í desember í 98,46 dali tunnan í viðskiptum á markaði í New York í morgun og verð á Brent Norðursjávarolíu komst í 95,09 dali í morgun, sem er met.

Miðlarar óttast að framboð á olíu verði ekki nægt á næstunni og eru minnkandi eldsneytisbirgðir í Bandaríkjunum hafðar til marks um það. Þá höfðu fréttir í gær um sjálfsmorðsárás í Afganistan og áframhaldandi spennu á landamærum Tyrklands og Íraks áhrif.

• 1 blogg um fréttina

Bloggað um fréttina

• Jón Finnbogason: Eðlilegt verð - en mætti vera hærra