Kaupþing selur starfsemi sína í Færeyjum

Kaupþing banki hefur selt starfsemi sína í Færeyjum til Eik Banki
P/F. Eik Banki tekur yfir starfsemi Kaupþings í Færeyjum þann 31. desember.

Starfsemi Kaupþings í Færeyjum, sem hófst árið 2000, hefur einkum snúist um miðlun verðbréfa, eignastýringu, útlán og aðra hefðbundina
fjárfestingabankastarfsemi. Alls starfa nú um 30 manns hjá Kaupþingi í Færeyjum. Eik Banki greiðir fyrir starfsemina með reiðufé og mun yfirtaka innlán Kaupþings í Færeyjum sem og megnið af þeim lánum sem bankinn hefur veitt þar.

Áhrif sölunnar á rekstur og efnahag Kaupþings eru óveruleg að sögn bankans. Salan er háð venjubundnum fyrirvörum af hálfu kaupanda og seljanda, samkvæmt tilkynningu.  

• 1 blogg um fréttina

Bloggað um fréttina

• Hallur Magnússon: Kaupþing yfirgefur Færeyjar!