Olíuverð lækkar aftur
Miðlarar á hrávörumarkaðnum í New York.
AP
Setja bókamerki
Verð á olíu lækkaði um þrjá dali tunnan á markaði í New York í dag en verðið fór yfir 100 dali í byrjun ársins. Ástæðan fyrir verðlækkuninni er einkum sögð sú, að miðlarar óttast bakslag í efnahagslífi Bandaríkjanna og það muni draga úr eftirspurn eftir olíu.
Verðið hækkaði á ný lítillega um tíma í dag þegar fréttir bárust af því að Íranar hefðu haft afskipti af þremur bandarískum herskipum á Hormuz-sundi en þar er mikilvægt flutningaleið fyrir olíu.
Verð á olíu fór niður í 94,91 dal tunnan nú síðdegis á markaði í New York og í Lundúnum lækkaði verðið um 2,42 dali og fór niður í 94,37 dali. Í síðustu viku náði verð á Brent Norðursjávarolíu á markaði í Lundúnum sögulegu hámarki: 98,50 dölum.
Reiðubúin að aflýsa verkföllum í fjórum leikskólum
Dómur þyngdur um þrjú ár
Viðræður ekkert þokast frá því á þriðjudag
Rússar sagðir útvega N-Kóreu milljón olíutunnur
Yfir 300 stæði fóru undir hraun
Hópur fólks reyndi að komast að eldgosinu