Dótturfélag Nýherja kaupir ráðgjafarfyrirtæki

AppliCon AB í Svíþjóð, sem er í eigu Nýherja hf., skrifaði í dag undir samning um kaup á öllum hlutabréfum í sænska fyrirtækinu Marquardt & Partners AB.

Kaupin eru í samræmi við þá stefnu AppliCon að útvíkka þjónustu sína á sviði hugbúnaðarlausna fyrir fjármálafyrirtæki í Norður-Evrópu, samkvæmt tilkynningu.

Marquardt & Partners er ráðgjafarfyrirtæki á sviði upplýsingatækni og sérhæfir sig í innleiðingu hugbúnaðar, ráðgjöf og þjónustu við fjármálafyrirtæki. Fyrirtækið var stofnað árið 1995 og er með aðsetur í Stokkhólmi. Þar starfa yfir 20 ráðgjafa.

AppliCon rekur skrifstofur í þremur löndum auk Íslands, í Bretlandi, Danmörku og Svíþjóð.

Í kjölfar kaupanna verður starfsemi Marquardt & Partners og AppliCon AB sameinuð undir merkjum síðarnefnda fyrirtækisins. Verða starfsmenn AppliCon AB 32 talsins eftir sameininguna. Allir lykilstjórnendur Marquardt & Partners flytjast yfir til AppliCon ásamt öðru starfsólki fyrirtæksins. Arne Nabseth er framkvæmdastjóri AppliCon AB.

• Blogga um frétt