Í mál við verðbréfaþrjótinn

Franski bankinn Societe Generale hefur höfðað mál á hendur verðbréfamiðlaranum sem sakaður er um að hafa tapað tæplega fimm milljörðum evra úr sjóðum bankans með vafasömum viðskiptum. Fréttaskýrendur segja framkvæmdastjóra bankans eiga á hættu að missa starfið.

Bankinn hefur ekki nafngreint miðlarann, en fjölmiðlar segja að um sé að ræða 31 árs Frakka, Jerome Kerviel.

Framkvæmdastjóri bankans, Daniel Bouton, segir miðlarann hafa verið einan að verki, en neitaði því að við stjórnendur bankans væri að sakast.

Fréttaskýrendur segja þó, að framtíð Boutons hjá bankanum sé óviss, eftir að í ljós kom að framferði Kerviels hafði farið gjörsamlega framhjá öllum eftirlitskerfum bankans. Þá sé ljóst, að vegna tapsins sé hætta á að bankinn verði yfirtekinn.

• 2 blogg um fréttina

Bloggað um fréttina

• Marinó G. Njálsson: SocGen: Ekki við stjórn bankans að sakast!!
• Jóhannes Snævar Haraldsson: Skoðanakönnun!