Hagnaður Glitnis 27,7 milljarðar króna
Setja bókamerki
Hagnaður Glitnis nam 27.651 milljónum króna á síðasta ári samanborið við 38.239 milljónir króna árið 2006 og dróst saman um 27,7% milli ára. Hagnaður á fjórða ársfjórðungi nam 2,5 milljörðum króna samanborið við 9,3 milljarða á fjórða ársfjórðungi 2006.
Í tilkynningu frá Glitni kemur fram að hagnaður fyrir skatta á fjórða ársfjórðungi nam 3,8 milljörðum króna samanborið við 11,6 milljarða króna á sama tímabili 2006. Hreinar vaxtatekjur á fjórða ársfjórðungi voru 11,9 milljarðar og hækkuðu um 54,6% frá fjórða ársfjórðungi 2006.
Þóknanatekjur á fjórða ársfjórðungi ársins námu 10,6 milljörðum og jukust lítillega frá sama ársfjórðungi í fyrra.
52% af hagnaði bankans fyrir skatta á árinu 2007 myndaðist af starfsemi utan Íslands. Hagnaður á hlut var 0,19 krónur á fjórðungnum og 1,86 krónur yfir árið samanborið við 2,68 krónur í fyrra.
Heildareignir í árslok 2.949 milljarðar
Heildareignir voru 2.949 milljarðar en voru 2.246 milljarðar í ársbyrjun 2007. Eignir í stýringu drógust saman um 6,7% frá fyrri ársfjórðungi vegna sölu hlutar bankans í Glitnir Property Holding, en
heildarvöxtur yfir árið nam 91% og eru nú 936 milljarðar króna. Eiginfjárhlutfall á CAD grunni var 11,2 %, þar af A-hlutfall 8,1 %.
Lárus Welding, forstjóri Glitnis, segir í tilkynningu: „Þegar ég lít yfir afkomutölurnar er ánægjulegt að sjá svo góðan vöxt í hreinum vaxta- og þóknanatekjum eins og raun ber vitni. Þóknanatekjur bankans voru stöðugar á árinu og námu samtals um 37,6 milljörðum króna, sem er um 42% aukning frá árinu áður.
Ég er einnig ánægður að sjá tekjur af kjarnastarfsemi bankans vaxa á nýjan leik þar sem vöxturinn nam um 21% á ársgrundvelli auk þess sem traust útlánasafn bankans tryggir okkur góðar vaxtatekjur á þessu ári," segir Lárus í tilkynningunni.
Í tilkynningu til Kauphallar OMX á Íslandi kemur fram að afkoma fjórða ársfjórðungs og ársreikningur er birt án skýringa, en birtingu skýringa með ársreikningum er frestað til 31. janúar. Töfin er vegna tæknilegra atriða við vinnslu þeirra sem ekki urðu ljósar fyrr en á síðustu stundu og því var talið heppilegra að fresta birtingu skýringanna.
Tilkynning Glitnis
Deilan enn í hnút eftir tveggja vikna verkföll
Slasað barn fær ekki styrk vegna leigu á hjólastól
Vandræði með vatn í Bolungarvík
Jón „mun ekki koma nálægt meðferð hvalamálsins“
„Skjálftaklessa á milli Grímseyjar og Öxarfjarðar“
Traust til kvenleiðtoga fer minnkandi
„Einhverjir töfrar sem gerast“
