Segir stýrivaxtalækkun nauðsynlega

Hreiðar Már Sigurðsson, forstjóri Kaupþings, segir að þróun á íslenskum fasteignamarkaði að undanförnu geri það að verkum, að nauðsynlegt sé að Seðlabankinn hefji lækkun stýrivaxta í febrúar.

Að sögn Reutersfréttastofunnar sagði Hreiðar Már á kynningu á ársuppgjöri bankans í dag, að ekki sé merkjanleg aukning vanskila á fasteignalánum bankans en hins vegar sé greinilegt að eftirspurn eftir slíkum lánum sé að minnka.

„Ég tel að þetta þýði að mikilvægt sé fyrir Seðlabankann að draga eins fljótt og mögulegt er úr aðhaldsaðgerðum á peningamarkaði," hefur Reuters eftir Hreiðari Má. 

• 3 blogg um fréttina

Bloggað um fréttina

• Marinó G. Njálsson: Hagkerfið í niðursveiflu og Seðlabankinn bíður átektar
• Ólafur Als: Líður ekki senn að endurskoðun fjölmargra fasteignalána?
• gummih: Er eftirspurn að minnka eða eru bankarnir að gera fólki …