Mikill samdráttur fasteignalána

Nýjar tölur frá Seðlabankanum um útlán banka og sparisjóða sýna  mikinn samdrátt á fasteignamarkaði. Fram kemur í ½5 fréttum Kaupþings, að í janúar námu íbúðarlán banka um 850 milljónum króna og hafa ekki verið lægri síðan að þeir hófu að veita íbúðalán haustið 2004.

Samdráttur milli ára nemur tæpum 70% og er lækkunin milli mánaða rúm 50 prósent. Segir Kaupþing, að sú sterka eftirspurn, sem einkenndi árið 2007, virðist því hafa dregist allsnögglega saman m.a. vegna hærri útlánavaxta. 

Að meðaltali námu íbúðalán í janúar 28 milljónum á dag sem svarar u.þ.b. til einnar íbúðar á dag. Til samanburðar voru útlánin þegar mest var rúmur milljarður á dag.

Greiningardeild Kaupþings segir, að neikvæðar fréttir af fjármála- og fasteignamörkuðum upp á síðkastið ættu að styðja við þá skoðun, að vaxtalækkunarferli Seðlabanka Íslands sé nú skammt undan. Spáir greiningardeildin því, að Seðlabankinn hefji vaxtalækkunarferli sitt á næsta vaxtaákvörðunarfundi þann 14. febrúar næstkomandi.

• 1 blogg um fréttina

Bloggað um fréttina

• Ómar Ragnarsson: HEIMURINN ER LÍTILL.