Undirbýr málshöfðun vegna starfslokasamnings

Vilhjálmur Bjarnason, aðjunkt, sagði í Silfri Egils í dag, að hann væri að undirbúa málssókn á hendur Glitni vegna starfslokasamnings, sem gerður var við Bjarna Ármannsson, fyrrverandi forstjóra bankans á síðasta ári.

Vilhjálmur sagði, að bankinn  hefði keypt rúmlega 234 milljónir hluta í bankanum af Bjarna á genginu 29 en viðskiptagengi á bréfum bankans hefði á þessum tíma verið um og yfir 27. Þarna hefði bankinn tekið úr sameiginlegum sjóðum hluthafa til að kaupa eigin hluti af einum hluthafa á 7-8% yfirgengi.

Þetta sagði Vilhjálmur að væri misnotkun á almennri heimild aðalfundar til stjórnar bankans að kaupa eigin hluti og andstætt hlutafjárlögum. Sagðist Vilhjálmur vera að undirbúa málssókn í þá átt.

Vilhjálmur gagnrýndi einnig harðlega kaupréttarsamninga, sem íslensk fyrirtæki hafa gert við stjórnendur og starfsmenn og sagði að í þeim væru engar tengingar við rekstur fyrirtækjanna eða kröfur um árangur.

• 2 blogg um fréttina

Bloggað um fréttina

• Auðun Gíslason: Tími til kominn!
• Hafsteinn Viðar Ásgeirsson: Vilhjálmur veit hvað hann syngur.