FL Group hefur selt 43,1% eignarhlut sinn í Geysir Green Energy til Glitnis banka, Atorku Group, og fleiri aðila. Söluverðið er um 10,5 milljarðar króna og nemur áður bókfærður gengishagnaður FL Group um 3 milljörðum króna sem jafngildir um 40% hækkun á fjárfestingu í félaginu.

Þetta kemur fram í tilkynningu frá félaginu þar sem afkoman á síðasta ári er kynnt. Í desember, þegar FL Group var endurskipulagt, kom fram að til stæði að félag í eigu Hannesar Smárasonar, fráfarandi forstjóra FL Group og stjórnarformanns Geysis Green, kaupi 23% eignarhlut í Geysi Green af FL Group en eignarhlutur FL Group í Geysi eftir viðskiptin yrði 20%.

Þá kemur fram í tilkynningu FL Group, að gengið hafi verið frá sölu á erlendum fasteignasjóðum til Landic Property fyrir 20,6 milljarða króna, í samræmi við fyrirætlanir sem kynntar voru í desember.

Tengdar fréttir

Reykjavik Energy Invest

Óskar úttektar á störfum sínum

• Vilhjálmur Þ.: Gagnrýnir fréttaflutning Morgunblaðsins
• REI-menn bera vitni
• Rannsakað með aðkomu REI
• Enex í gíslingu eigenda sinna

» Fleiri tengdar fréttir

• 1 blogg um fréttina

Bloggað um fréttina

• Guðjón Sigþór Jensson: Mikil tíðindi