Afkoma af tryggingastarfsemi Sjóvá batnaði

Hagnaður samstæðu Sjóvár nam 4 milljörðum króna á árinu 2007 samanborið við 11 milljarða árið áður samkvæmt því sem fram kemur ífréttatilkynningu frá fyrirtækinu . Afkoma af tryggingastarfsemi Sjóvá batnaði umtalsvert á árinu og var samsett hlutfall tryggingasamstæðunnar ríflega 104% miðað við 115% árið áður.

Fréttatilkynning fyrirtækisins fylgir í heild sinni hér á eftir. 

Árið 2007 einkenndist  af  umbótum í rekstri og nýjungum  í þjónustu  Sjóvá  sem efla munu félagið  í trygginga- og forvarnastarfsemi hérlendis.

Afkoma af tryggingastarfsemi  Sjóvá  batnaði umtalsvert á árinu og var samsett hlutfall tryggingasamstæðunnar ríflega 104%  en var  115%  árið áður.  Tjóna- og rekstrarkostnaður var  þannig  4% hærri en iðgjöld á árinu 2007 en var  15% hærri árið 2006.   

Árið 2005 var samsett hlutfall félagsins  122%  svo umtalsverð umskipti hafa orðið á tryggingastarfseminni á síðustu  misserum.   Ástæður þessa viðsnúnings í tryggingastarfsemi félagins má m.a. rekja til verulegrar hagræðingar í rekstrinum en rekstrarkostnaður  hefur lækkað umtalsvert á síðastliðnum árum.

Iðgjöld félagsins jukust um 11%  árið 2007.     Vátryggingaskuld félagsins hækkaði um 3% á árinu og nam í árslok 23,4 milljörðum króna.

Í takt við aðstæður á fjármagnsmörkuðum þá drógust tekjur af fjárfestingarstarfsemi saman á árinu miðað við árið áður en afkoma var þó vel ásættanleg.

Hagnaður samstæðu Sjóvár árið 2007 nam 4 milljörðum króna samanborið við 11 milljarða árið áður.    

Um mitt ár voru kynnt ný markmið og sýn fyrir félagið og var Sjóvá skilgreint sem trygginga- og forvarnafélag.  Þá setti félagið fram nýja þjónustustefnu sem hefur að markmiði að auka  hraða og gæði þjónustu.  

Árið 2007 var fyrsta heila starfsár Sjóvár-Forvarnahússins sem er dótturfélag Sjóvár og hefur að markmiði að efla forvarnir fyrirtækja og einstaklinga.  Árangur í starfi Forvarnahússins hefur verið mikill og tölur sýna að þau verkefni sem Forvarnahúsið hefur einblínt á hafa skilað verulega færri tjónum og aukinni vitundarvakningu um afleiðingar slysa og forvarnir gegn þeim.

Lögð hefur verið áhersla á eflingu mannauðs  félagsins og félagið var valið hástökkvari ársins í íslensku viðskiptalífi árið 2007  í könnun VR sem mældi starfsánægju starfsmanna á milli áranna 2006 og  2007.