Mjög dró úr hagnaði Icelandair

Hagnaður Icelandair Group eftir skatta árið 2007 var 257 milljónir króna samanborið við 2,6 milljarða króna hagnað 2006. Tap félagsins eftir skatta á fjórða ársfjórðungi 2007 var 780 milljónir króna samanborið við 551 milljónar króna tap á sama tíma í fyrra.

Heildartekjur ársins 2007 voru 63,5 milljarðar króna en voru 56,1 milljarður króna 2006 og jukust um 13% á milli ára. Heildartekjur á fjórða ársfjórðungi 2007 voru 15,3 milljarðar króna samanborið við 12,6 milljarða á sama tíma í fyrra og jukust um 22% á milli ára.

Björgólfur Jóhannsson, forstjóri Icelandair Group, segir í tilkynningu að afkoman sé í samræmi við spá  í nóvember. Ljóst sé, að afkoma
félagsins þurfi að batna en hann sé bjartsýnn á framhaldið. 

Tilkynning Icelandair Group

• 4 blogg um fréttina

Bloggað um fréttina

• Hvíti Riddarinn: Hver átti von á því?
• Erna Hákonardóttir Pomrenke: Afhverju ekki Baltimore?
• Jóna Kolbrún Garðarsdóttir: Er þessi lélega afkoma vegna hás eldsneytisverðs?
• Róbert Björnsson: Hvernig mun Icelandair bregðast við nýjum loftferðasamningi milli EU og …