Teymi kaupir 51% í Hive

Stjórn Teymis hf. hefur samþykkt kaup á 51% hlut í IP fjarskiptum ehf. sem veitir fjarskiptaþjónustu undir vörumerkinu HIVE. Í samningnum felst að dótturfélag Teymis hf., Ódýra símafélagið ehf. (SKO), mun renna inn í IP fjarskipti. Kaupverð hlutanna er trúnaðarmál en áhrif til lækkunar á handbæru fé eru 250 milljónir.

Kaupin eru gerð með fyrirvara um afstöðu Samkeppniseftirlitsins.

Fram kemur á heimasíðu Teymis, að ætlun sameinaðs félags sé að sækja áfram inn á lággjaldamarkaðinn og bjóða neytendum heildarlausnir í fjarskiptum á hagstæðu verði. Áhersla verði lögð á sjálfstæði félagsins og því er ætlað að veita öðrum fjarskiptafyrirtækjum harða samkeppni.

Hermann Jónasson verður forstjóri hins sameinaða félags.

 

• 2 blogg um fréttina

Bloggað um fréttina

• Haukur Nikulásson: Sí(ma)minnkandi samkeppni hlýtur að vera áhyggjuefni
• Stefán Örn Viðarsson: og það næsta sem gerist er að....