Ný Þjóðhagsstofnun?

Tveir stjórnarþingmenn, Árni Páll Árnason og Ágúst Ólafur Ágústsson, Samfylkingunni, lýstu nauðsyn þess að koma á fót sjálfstæðri rannsóknarstofnun í efnahagsmálum við umræður á Alþingi um málefni bankakerfisins. „Við finnum sárlega fyrir því að okkur vantar sjálfstæða rannsóknarstofnun í efnahagsmálum í ætt við það sem Þjóðhagsstofnun var,“ sagði Árni Páll. „Ég held við ættum að hverfa til fyrri tíma og endurvekja Þjóðhagsstofnun, því ég held að það hafi verið mistök að leggja hana niður,“ sagði Ágúst Ólafur.