Kaupþing selur skuldabréf fyrir 1.675 milljónir dala

Kaupþing banki hefur lokið við nokkrar lokaðar skuldabréfasölur, alls að fjárhæð 1.675 milljónir dala, 111,6 milljarðar króna til fjárfesta í Bandaríkjunum og Evrópu. Kaupþing hefur einnig tekið lán að fjárhæð 195 milljónir evra hjá evrópskum banka. Er fjármögnunin á kjörum sem eru töluvert lægri en núverandi skuldatryggingaálag bankans á markaði, og kemur til greiðslu eftir eitt til sjö og hálft ár.

Í tilkynningu kemur fram að til samanburðar þarf Kaupþing (móðurfélag) að endurgreiða um 1,1 milljarð evra af langtímaskuldbindingum það sem eftir er af árinu 2008 og dótturfélag bankans, FIH, í Danmörku 1,8 milljarða  evra.

„Þessi nýja fjármögnun upp á 1,3 milljarða evra bætist við þá sterku
lausafjárstöðu sem Kaupþing hefur og styrkist hún enn frekar við þá ákvörðun Kaupthing Singer & Friedlander að hætta starfsemi eignafjármögnunar (e. Asset Finance) og hrávöruviðskiptafjármögnunar (e. Commodity Trade Finance) í Bretlandi (sjá tilkynningu 25. febrúar), en gert er ráð fyrir að þær breytingar auki lausafé á þessu ári sem nemur rúmlega 1 milljarði punda (1,3 milljörðum evra). Frekari fjármögnun í ár miðast við að styðja við hóflegan vöxt bankans og endurfjármögnun fyrir árið 2009," samkvæmt tilkynningu frá Kaupþingi.

• 3 blogg um fréttina

Bloggað um fréttina

• Bjarni Kjartansson: VAr hann Siggi ekki að segjast ekki þurfa péníng??
• Hallur Magnússon: Kaupþingssigur og vonandi fyrirboði um að vextir á teknum íbúðalánum …
• Hafsteinn Viðar Ásgeirsson: Góð frétt.