Krónan veikist enn
Setja bókamerki
Gengi krónunnar hefur lækkað um 0,9% það sem af er degi en hún veiktist um 1,2% á föstudag. Gengisvísitalan er 136,35 stig en var 135,15 stig við upphaf viðskipta í dag. Lítil viðskipti hafa verið á gjaldeyrismarkaði það sem af er degi eftir metdag á föstudag samkvæmt upplýsingum frá Glitni.
Metviðskipti voru á gjaldeyrismarkaði á föstudag og nam veltan 88,2 milljörðum króna. Íslenska krónan veiktist eins og áður sagði um 1,2% en sveiflur innan dagsins voru töluverðar. Um hádegi nam lækkunin 2,9% þegar gengisvísitalan náði rúmum 137,4 stigum. Veikingin gekk til baka eftir því sem líða tók á daginn. Í síðustu viku veiktist krónan um 3,3%. Þar af um 2,9% á tveimur dögum, fimmtudag og föstudag.
Gengi Bandaríkjadals er nú 68,20 krónur, evran er 104,88 krónur og pundið 137,90 krónur.
Gosmengun berst til norðurs og norðvesturs
Þungir dómar í Sólheimajökulsmáli
Fjögur umferðarslys: Glerhálka á Strandarheiði
Veltir því fyrir sér hvaða Samfylking verði á þingi
Fundurinn hófst með söng: „Við stöndum þétt saman“
Var ráfandi við Alþingi eins og innbrotsþjófur
Fundar með Þorgerði og Ingu eftir hádegi
Kristrún, Þorgerður og Inga funda kl. 15
