Áhyggjuefni að sumir vilji ekki nýta auðlindir

„Ég tel það virkilegt áhyggjuefni að sumir skuli velta því fyrir sér, að við eigum ekki að nýta orkuauðlindirnar sem hér eru," sagði Sigurjón Þ. Árnason, bankastjóri Landsbankans á ráðstefnu Viðskiptablaðsins í dag. Betra væri að fyrirtæki endurfjárfestu arð sinn hér á landi en erlendis, sagði Sigurjón, og tók uppbyggingu Norðuráls á Reykjanesi sem dæmi.

Sigurjón rakti breytingar í íslensku efnahagslífi frá inngöngu Íslands í Evrópska efnahagssvæðið. Sagði hann forsendur hagstjórnar og þar með svigrúm til sjálfstæðrar peningastefnu hafa breyst. Íslensku bankarnir væru nú í stakk búnir til að standa af sér gjörningaveðrið. Þann lærdóm mætti draga að þeir þyrftu að vera með hlutfallslega mikið lausafé, gjaldeyrisforða til að verjast gengissveiflum og að afla sér fjár með auknum innlánum.

• 4 blogg um fréttina

Bloggað um fréttina

• Dofri Hermannsson: Hvað er auðlind?
• Þorsteinn Siglaugsson: Hvað með gullið?
• Guðmundur Jónas Kristjánsson: Að sjálfsögðu nýtum við orkuauðlindirnar !
• Árni Steingrímur Sigurðsson: Sammála!