Íslensku bankarnir ekki slæmur kostur

Íslensku bankarnir eru ekki jafn slæmur kostur líkt og margir fjárfestar virðast telja. Hver þeirra er með eiginfjárhlutfall (CAD) í kringum 10% og enginn þeirra þarf að afskrifa verulegar fjárhæðir vegna undirmálslána. Eins er gjaldeyrisstaða þeirra góð, að því er fram kemur á vefnum breakingviews.com.

Þar kemur fram að Davíð Oddsson, Seðlabankastjóri, berjist af hörku við að ná verðbólgunni nær verðbólgumarkmiðum bankans, 2,5%. Þetta geti þýtt hækkun stýrivaxta sem nú eru 13,75%.

Í greininni er jafnframt fjallað um hátt skuldatryggingarálag íslensku bankanna og fall íslensku krónunnar að undanförnu. Segir í greininni að íslensku bankarnir, Glitnir, Kaupþing og Landsbankinn, séu góður kostur fyrir spákaupmenn en að sjálfsögðu þurfi að vera vel á verði.

• 3 blogg um fréttina

Bloggað um fréttina

• Ægir Óskar Hallgrímsson: Góð tíðindi.
• Hafsteinn Viðar Ásgeirsson: Góður kostur fyrir spákaupmenn.
• Sigurður Þórðarson: Íslensku bankarnir fá öflugan stuðning