Einhverjir kunna að hafa haft óeðlileg áhrif á gengið

Davíð Odds­son, seðlabanka­stjóri, seg­ir að Seðlabank­inn hafi haft vís­bend­ing­ar um að hugs­an­lega hafi ein­hverj­ir verið að hafa meiri áhrif á gengi krón­unn­ar að und­an­förnu en eðli­legt get­ur tal­ist og að um hafi verið að ræða aðila sem áttu ekki að stunda slík­ar gjörðir.

„Ef sú er raun­in er það að okk­ar mati mjög al­var­legt mál og við erum að skoða málið eft­ir að hafa fengið vís­bend­ing­ar þess efn­is í hús. Reyn­ist þess­ar vís­bend­ing­ar rétt­ar eða sann­ar verður við því að bregðast því það veik­ir mjög trú­verðug­leika gjald­eyr­is­markaðar­ins ef menn hafa það á til­finn­ing­unni að ábyrg­ir aðilar taki þátt í því að hafa óeðli­leg áhrif á hann. Ég vil ekki gefa mér að það hafi gerst en við mun­um fara  gegn­um málið til þess að sjá hvort lík­legt sé að slík­ar vís­bend­ing­ar séu rétt­ar.“

Eru ein­hver viður­lög við slíku?

„Það er hægt að bregðast við með marg­vís­leg­um hætti, bæði af hálfu Seðlabanka og Fjár­mála­eft­ir­lits en það er of fljótt að velta því fyr­ir sér,“ seg­ir Davíð Odds­son.

• 8 blogg um frétt­ina

Bloggað um frétt­ina

• Ægir Óskar Hall­gríms­son: Sam­mála.
• Þór­hild­ur Helga Þor­leifs­dótt­ir: Ja hérna hér....
• Skaz: Vil vita meira!
• Hrann­ar Bald­urs­son: Var stærsta bankarán ald­ar­inn­ar framið á Íslandi rétt fyr­ir páska?
• Þröst­ur Unn­ar: Viður­kenni hér með.................
• Guðjón Sigþór Jens­son: Hvað á seðlabanka­stjóri við?
• Eyj­ólf­ur Jóns­son: Hvísl­ar­inn á horn­inu
• Haf­steinn Viðar Ásgeirs­son: Er verið að fiska í grugg­ugu?