Kaupþing hækkar um 6,62%
Setja bókamerki
Kaupþing hefur hækkað um 6,62% í Kauphöll Íslands það sem af er degi og í Stokkhólmi hafa bréf bankans hækkað um 4,09% en umtalsverð hækkun varð á Kaupþingi þar á fimmtudaginn. Úrvalsvísitalan hefur hækkað um 3,59%. SPRON hefur hækkað um 3,91% og Færeyjabankinn um 3,57%.
Hlutabréfavísitölur hafa hækkað alls staðar á Norðurlöndum. Í Ósló nemur hækkunin 0,73%, Stokkhólmi 3,61%, Helsinki 2,58% og Kaupmannahöfn 2,59%. Samnorræna vísitalan Nordic 40 hefur hækkað um 3,29%.
Gengi krónunnar hefur hækkað um 2,40% frá því viðskipti hófust klukkan níu í morgun og nema viðskipti á gjaldeyrismarkaði 25,6 milljörðum króna á einungis rúmri klukkustund. Gengisvísitalan stóð í 157,20 stigum við opnun í morgun en er nú 153,50 stig.
Gengi Bandaríkjadals er 76,55 krónur, evran er 119 krónur og pundið 152,43 krónur.
Áfram verður leitað að loðnunni
„Ansi sérstakt“ ef Inga notfærði sér stöðu sína
Hefta þarf aðgengi barna að klámi
Stórfelld netárás gerð á DeepSeek
Ræna fólki og neyða í herþjónustu
„Við erum ekki í neinu stríði við kennara“
Mikil misbeiting á ráðherravaldi