Mesta verðbólga í 6 ár

Vísi­tala neyslu­verðs hækkaði um 1,47% frá fyrra mánuði. Vísi­tala neyslu­verðs án hús­næðis hækkaði um 1,49% frá fe­brú­ar. Síðastliðna tólf mánuði (miðað við verðlag í upp­hafi mánaðar í fyrra en um miðjan mánuð nú) hef­ur vísi­tala neyslu­verðs hækkað um 8,7% en vísi­tala neyslu­verðs án hús­næðis um 6,4%. Hef­ur verðbólg­an ekki verið jafn mik­il frá því í mars 2002 eða í 6 ár, er hún mæld­ist einnig 8,7%. Í janú­ar­mánuði 2002 mæld­ist verðbólg­an 9,4% og 8,9% í fe­brú­ar 2002.

Verðbólga hef­ur auk­ist um 12,8% á þriggja mánaða tíma­bili

Und­an­farna þrjá mánuði hef­ur vísi­tala neyslu­verðs hækkað um 3,1% sem jafn­gild­ir 12,8% verðbólgu á ári (12,1% fyr­ir vísi­töl­una án hús­næðis).

Grein­ing­ar­deild­ir bank­anna spáðu 1,2-1,4% verðbólgu í mánuðinum og hefði það þýtt að tólf mánaða verðbólga hækkaði úr 6,8% í 8,4-8,6%. Í síðasta mánuði hækkaði vísi­tala neyslu­verðs um 1,38% frá fyrra mánuði.

Á þriðju­dag hækkaði Seðlabanki Íslands stýri­vexti sína um 1,25% í 15%. Var það gert þar sem verðbólga hef­ur reynst mun meiri en spáð var og verðbólgu­vænt­ing­ar hafa vaxið.

Kostnaður vegna rekst­urs bif­reiða jókst um 3,1%

Í frétt Hag­stofu Íslands kem­ur fram að kostnaður vegna rekst­urs eig­in bif­reiðar jókst um 3,1% (vísi­tölu­áhrif 0,45%). Þar af hækkaði verð á nýj­um bíl­um um 2,9% (0,18%) og á bens­íni og ol­í­um um 5,0% (0,25%).

Verð á fatnaði og skóm hækkaði um 6,3%

Vetr­ar­út­söl­um er víðast lokið og hækkaði verð á föt­um og skóm um 6,3% (0,26%). Kostnaður vegna eig­in hús­næðis jókst um 1,1% (0,22%), þar af voru 0,15% áhrif vegna hærri raun­vaxta og 0,07% vegna hækk­un­ar á markaðsverði hús­næðis.
 

• 9 blogg um frétt­ina

Bloggað um frétt­ina

• Ómar Ragn­ars­son: HLIÐSTÆÐAN VIÐ 1947.
• Jón Magnús­son: Styrk efna­hags­stjórn?
• Gísli Tryggva­son: ...aft­ur í tím­ann, já, en verðbólgu­hraðinn nú!
• Guðmund­ur Jón­as Kristjáns­son: Pen­inga­stefn­an er gjaldþrota !
• Björg­vin Guðmunds­son: Verðbólg­an 8,7%
• Erna Bjarna­dótt­ir: Enn tekst þó að halda mat­vöru­verði niðri...
• Marinó G. Njáls­son: Stýri­vext­ir hækka hús­næðisliðinn
• Þór­dís Bára Hann­es­dótt­ir: En ekki hvað.
• Jac Norðquist: Er þetta að fara til Hel­vít­is á Íslandi ?