Kaupþing vísar orðrómi á bug

Kaupþing vísar á bug þeim orðrómi að bankinn hafi vísvitandi reynt að stuðla að veikingu íslensku krónunnar í viðskiptum sínum á gjaldeyrismarkaði. Bankinn sendi frá sér yfirlýsingu þessu efnis undir kvöld. 

„Kaupþing hefur margoft gefið upp í tengslum við birtingu uppgjöra að gjaldeyristengdar eignir eru umfram gjaldeyristengdar skuldir til þess að verja eiginfjárhlutfall bankans fyrir veikingu íslensku krónunnar. Einnig er send skýrsla daglega til Seðlabanka Íslands sem sýnir gjaldeyrisviðskipti bankans við viðskiptavini sína. Með þessu móti ríkir fullt gegnsæi á gjaldeyrisviðskiptum Kaupþings með íslensku krónuna. Kaupþing vísar algerlega á bug orðrómi þess efnis að bankinn hafi vísvitandi reynt að stuðla að veikingu krónunnar í viðskiptum sínum á gjaldeyrismarkaði.“

• 5 blogg um fréttina

Bloggað um fréttina

• Hallgrímur Guðmundsson: Hvað er rétt og hver lýgur?
• Einar Vignir Einarsson: Eru menn að verða hræddir???
• Guðrún María Óskarsdóttir.: Alsaklausir að eigin sögn, þá vitum við það....
• Stefán Friðrik Stefánsson: Kaupþing sver af sér að veikja krónuna
• Níels A. Ársælsson.: Þeir sem róa fyrir Gúðmúndsen þurfa herskip