Tapið af undirmálslánum 945 milljarðar dala

Alþjóða gjaldeyrissjóðurinn (IMF) telur að tapið vegna undirmálslánakreppunnar í Bandaríkjunum geti numið 945 milljörðum Bandaríkjadala. Þetta kemur fram í skýrslu sem IMF birti í dag.

Kemur fram í skýrslunni að  vegna þeirra breytinga sem orðið hafa á bandarískum fasteignamarkaði, svo sem  vegna lækkunar á verði fasteigna, geti tapið á  fasteignalánum numið allt að 565 milljörðum dala. Að teknu tilliti til þessa og afskrifta á öðrum tegundum lána þá er ekki ólíklegt að tapið nemi alls 945 milljörðum dala.

Segir í skýrslunni sem fjallar um stöðugleika á alþjóðlegum fjármálamarkaði að kreppan sé ekki bara tengd undirmálslánaum heldur nái hún miklu víðar um fjármálamarkaðina.

• 1 blogg um fréttina

Bloggað um fréttina

• Baldur Fjölnisson: Tapið af undirmálslánum 945 milljarðar dala - IMF