Stærsta flugfélag heims myndað

Bandaríska flugfélagið Delta Air Lines tilkynnti í kvöld, að náðst hefði samkomulag við flugfélagið Northwest Airlines um að Delta yfirtaki Northwest. Við sameininguna verður til stærsta flugfélag heims. Stjórnir félaganna samþykktu samkomulagið í kvöld.

Sameinað félag er metið á 17,7 milljarða dala, jafnvirði 1315 milljarða króna. Höfuðstöðvarnar verða í Atlanta í Georgíu og  Richard Anderson, forstjóri Delta, mun stýra sameinuðu fyrirtæki.

Flugfélögin fóru bæði í greiðslustöðvun og endurskipulagningu, sem lauk á síðasta ári. Nú eru bæði félögin rekin með tapi en staða þeirra er þó mun sterkari en fjögurra lítilla flugfélaga, sem hætt hafa starfsemi á síðustu vikum og verið tekin til gjaldþrotaskipa. 

Sameiningin þarf samþykki samkeppnisyfirvalda og ljóst er, að erfitt verður að sameina starfsemina. 

• 2 blogg um fréttina

Bloggað um fréttina

• Aðalsteinn Baldursson: Hvað voru þeir að mynda?
• Brjánn Guðjónsson: Tímamótalyf