Sameining Mars og Wrigley í farvatninu

Bandaríska sælgætisfyrirtækið Mars og fjárfestingafélag í eigu milljarðamæringsins Warren Buffett, Berkshire Hathaway, eru nálægt því að ganga frá samningi um kaup á tyggigúmmíframleiðanum Wm. Wrigley á rúmlega 22 milljarða Bandaríkjadali.

Heimildir Wall Street Journal og New York Times herma að tilkynnt verði um kaupin síðar í dag.

Ef af kaupunum verður munu Mars, sem meðal annars framleiðir sælgæti eins og M&M, Snickers og Wrigley, sem framleiðir tyggjó eins og Extra, Eclipse og Orbit, sameinast. Talið er að sameiningin muni hafa víðtæk áhrif á aðra sælgætisframleiðendur á þann hátt að frekari sameiningar verði í þeim geira.

Buffett, sem á sælgætisframleiðandann Sees Candies, kemur að sameiningunni með því að aðstoða Mars við fjármögnun kaupanna.

• 1 blogg um fréttina

Bloggað um fréttina

• Jac Norðquist: Verður þá.....