Hagnaður Landsbanka 17,4 milljarðar
Setja bókamerki
Hagnaður Landsbankans nam 17,4 milljörðum króna eftir skatta á fyrsta fjórðungi ársins, samanborið við 13,8 milljarða á sama tímabili á síðasta ári og jókst um 27%.
Bankastjórar Landsbankans lýsa ánægju með afkomuna í tilkynningu og er haft eftir Halldóri J. Kristjánssyni, að sterk fjárhagsstaða og lágar endurgreiðslur langtímalána á þessu ári geri Landsbankanum fært að standa af sér óhagstæðar aðstæður á fjármálamörkuðum nú. Á meðan muni bankinn aðlaga vöxt efnahagsreiknings að aðstæðum og leggja áherslu á samþjöppun og samþættingu í rekstri til að auka hagræði og nýta möguleg samlegðaráhrif.
Arðsemi eigin fjár eftir skatta var 44%. Eiginfjárhlutfall var 11% í lok mars. Grunntekjur samstæðunnar (vaxtamunur og þjónustutekjur) námu 26,2 milljörðum króna og hafa aukist um 27% miðað við fyrsta ársfjórðung 2007. Grunntekjur af erlendri starfsemi námu 15,1milljarði króna á fyrsta ársfjórðungi 2008 eða 58% af grunntekjum samstæðunnar.
Gengismunur og fjárfestingatekjur námu 14,7 milljörðum króna (EUR 144m) samanborið við 8,8 milljarða króna á fyrsta ársfjórðungi 2007. Heildareignir bankans námu 3836 milljörðum króna í lok mars 2008 í samanburði við 3058 milljarða króna í upphafi ársins. Heildareignir í EUR hafa lækkað samkvæmt þessu um 4% á ársfjórðungnum.
Lausafjárstaða bankans var um 8,2 milljarðar evra í lok mars 2008.
Drónarnir ógna ekki þjóðaröryggi
Þóttist opna meðferðarheimili sem enn er lokað
Borgin fundar með eigendum
„Um er að ræða svik og pretti“
Þarf að flúra á sig: „Ég hafði rangt fyrir mér“
Ekki til gögn um stærri skjálfta: Virknin engu lík
Telur grunsamlegu drónana vera bandaríska
Telur ekki þurfa að herða útlendingalöggjöfina