Íslenska bankakerfið í mótbyr næsta árið?

Alþjóðlega matsfyrirtækið Fitch telur að bankar á Íslandi, Írlandi, í  Bretlandi og Þýskalandi muni lenda í einna mestum mótbyr evrópskra banka á næstu 12-18 mánuðum.  

Þetta kom fram í máli sérfræðinga Fitch á árlegri bankaráðstefnu fyrirtækisins og sagt er frá á vefnum Insurancetimes.

Sérfræðingarnir sögðust telja ólíklegt að evrópskir bankar lendi í frekari vandræðum vegna undirmálslánakreppunnar í Bandaríkjunum. Hins vegar muni bankar í Evrópu þurfa að takast á við erfiða lausafjárstöðu, minnkandi hagnað og lækkandi verð á eignum. Hugsanlegt sé að lánshæfiseinkunnir banka verði lækkaðar á næstunni ef eignasafn þeirra heldur ekki í við almenna þróun í efnahagsmálum. 

• 1 blogg um fréttina

Bloggað um fréttina

• Erna Bjarnadóttir: Fjárhagur heimilanna í mótbyr...