Verðbólga vekur áhyggjur í Bretlandi

Fjármálaráðherra Bretlands, Alistair Darling, varaði við því í dag að fyrirtæki hækkuðu laun starfsmanna til þess að mæta auknum neyslukostnaði þar sem það yrði sem olía á verðbólgubálið. Ekki þykir ólíklegt að Englandsbanki hækki stýrivexti á næsta vaxtaákvörðunardegi en verðbólga mælist nú 3,3% í Bretlandi. Er þetta mesta verðbólga þar í landi síðar árið 1997 en hún hækkaði um 0,6% á milli mánaða. Verðbólga mældist 2,1% í ársbyrjun.

Skýrist aukin verðbólga einkum af hækkandi olíu- og matvælaverði og segir Mervyn King, seðlabankastjóri að ekki sé ólíklegt að verðbólgan muni hækka upp í allt að 4% síðar á árinu.

• 1 blogg um fréttina

Bloggað um fréttina

• Áddni: Allt að fara til fjandans í Bretlandi!