Veiðimaðurinn hverfur úr miðbænum

Eigendur Bráðar ehf., rekstrarfélags Veiðimannsins hafa ákveðið að loka versluninni að  Hafnarstræti 5 á haustmánuðum.  Bráð  rekur einnig verslanirnar Veiðihornið Síðumúla 8 og Sportbúðina Krókhálsi 5. Veiðimaðurinn hefur starfað í miðborginni í sjötíu ár.
 
Albert Erlingsson stofnaði Veiðiflugugerðina við Lækjartorg árið 1938.  Árið 1940 flutti Albert starfsemina í Smjörhúsið Hafnarstræti 22.  Síðar var verslunin flutt í Hafnarstræti 5 þar sem hún hefur verið starfrækt um árabil
 
Ákvörðunin um að loka versluninni var sársaukafull en erfitt hefur verið að horfa upp á hnignum miðbæjarins og samdrátt í verslun á sama tíma og aðrar verslanir fyrirtækisins blómstra sem aldrei fyrr, að því er segir í tilkynningu.
 
„Ekki er loku fyrir það skotið að Veiðimaðurinn verði opnaður á ný í gamla miðbænum þegar borgaryfirvöld framtíðarinnar hafa áttað sig á því að miðborgin verður aldrei lifandi án blómlegrar verslunar og skapa starfsumhverfi til að svo megi verða," að því er segir í tilkynningu.
 
 

• 4 blogg um fréttina

Bloggað um fréttina

• Bjarni Kjartansson: Miðborg í dauðateygjum?
• Óskar Þorkelsson: Óli F lætur verkin tala..
• Bergur Thorberg: Korter í þrjú veiðimenn og konur
• Jóhann Elíasson: Svo bregðast krosstré sem önnnur tré.