Endurskoðuð verðbólguspá Glitnis

Glitnir hefur nú sent út endurskoðaða verðbólguspá í Morgunkorni sínu. Spá Glitnis gerði áður ráð fyrir 1,6% hækkun vísitölu neysluverðs (VNV) í júlí en ný spá hljóðar upp á 1,1% hækkun VNV í júlí sem þýðir 13,7 verðbólgu á ársgrunvelli. Í júní var ársverðbólgan 12,7%.

Í Morgunkorni segir að helstu ástæður endurskoðunar séu: 

„að gengi krónu var hærra í viðmiðunarvikunni en gert var ráð fyrir auk þess sem olíuverð lækkaði á heimsmarkaði í vikunni. Bensínverð hefur því hækkað minna frá miðjun júnímánuði, þegar verðmæling VNV í júní stóð yfir, en spáð var í byrjun mánaðarins. Þá hafa bifreiðaumboðin ekki hækkað verð á nýjum bílum í eins miklum mæli og áætlað var.“

Bent er á að, til hækkunar verðbólgu komi matur og drykkjarvörur, húsnæði,  húsgögn og heimilisbúnaður ásamt undirliðnum ferðir og flutningar. Hins vegar komi útsölur á fatnaði og skóm að hafa áhrif til lækkunar.

• 1 blogg um fréttina

Bloggað um fréttina

• Jakob Falur Kristinsson: Verðbólga