Slæm vinnuaðstaða á D'Angleterre

Danska vinnueftirlitið hefur gert alvarlegar athugasemdir við vinnuaðstæður á lúxushótelinu D'Anglaterre við Kóngsins Nýjatorg í Kaupmannahöfn. Hefur hótelinu verið gert að fá ráðgjafa til að aðstoða við úrbætur, að því er kemur fram í fréttabréfinu 3F, sem fjallar um öryggismál á dönskum vinnustöðum.

Fram kemur í fréttabréfinu að málning flagnar af loftinu í bakaríi hótelsins. Þá er líkamlegt álag starfsmanna mikið, en þeir þurfa að burðast með stórar blómaskreytingar og þunga vínkassa.

Íslenska fjárfestingarfélagið Nordic Partners keypti Hotel D'Angleterre í nóvember á síðasta ári.

Umfjöllun 3F 

• 1 blogg um fréttina

Bloggað um fréttina

• Sæmundur Bjarnason: Á englajörð fá engan frið