Fjögurra milljarða viðskipti með Kaupþing

Ein viðskipti fyrir 4.115 milljónir króna með bréf Kaupþings fóru fram á hádegi í dag. Gengi viðskiptanna var 722 krónur, en gengi Kaupþings er nú 721 króna. Fjöldi bréfanna svarar til 0,77% hlutar í bankanum.

Fyrir helgi, á fimmtudag annars vegar og föstudag hins vegar, voru viðlíka stór viðskipti með bréf bankans, þ.e. samanlagt fyrir nær átta milljarða króna. Þessi þrenn viðskipti svara samanlagt til nær 2,3% hlutar í Kaupþingi, en fyrir helgi fengust engin svör frá bankanum um hver stæði að baki þessum viðskiptum.

• 1 blogg um fréttina

Bloggað um fréttina

• Hallur Magnússon: Jöklabréfakrónurnar á leið í Kaupþing?