Vextir Íbúðalánasjóðs lækka

Íbúðalánasjóður hefur í kjölfar útboðs á íbúðabréfum ákveðið að útlánavextir sjóðsins lækki. Verða útlánavextir íbúðalána með uppgreiðsluákvæði 4,9%  en þeir voru 5,05%. Þá verða vextir íbúðalána án uppgreiðsluákvæðis 5,4% en þeir voru 5,55%. Hin nýja vaxtaákvörðun tekur gildi í dag.

Vaxtaákvörðun Íbúðalánasjóðs byggist á ávöxtunarkröfu í útboði íbúðabréfa sem haldið var á föstudag ásamt vegnum fjármagnskostnaði uppgreiðslna ÍLS-veðbréfa. Vegnir vextir í útboðinu og uppgreiddra ÍLS-bréfa eru 4,43%.

Vaxtaálag vegna rekstrar er 0,25%, vegna útlánaáhættu 0,20% og vegna uppgreiðsluáhættu 0,5%.

• 1 blogg um fréttina

Bloggað um fréttina

• G. Valdimar Valdemarsson: Íbúðalánasjóður er ljósið í myrkrinu