Kreppa skollin á í Eistlandi

Eistneska hagkerfið skrapp saman um 0,9% á öðrum ársfjórðungi þessa árs og er það mesti samdráttur á þriggja mánaða tímabili í fjórtán ár. Á fyrsta fjórðungi dróst hagkerfið saman um 0,5% og samkvæmt skilgreiningunni er Eistland því komið í kreppu.

Er landið annað Evrópusambandslandið til að renna inn í formlegt kreppuástand á þessu ári, en danska hagkerfið skrapp saman á fjórða ársfjórðungi í fyrra og á fyrsta fjórðungi þessa árs. Mikil verðbólga hefur ásamt öðru gert Eistum erfitt fyrir.