Olíuverð hækkar vegna yfirlýsinga Venesúela

Verð á hráolíu hækkaði á heimsmarkaði í dag í kjölfar ummæla orkumálaráðherra Venesúela um að hann muni leggja það til á fundi OPEC-ríkjanna í september að dregið verði úr olíuframleiðslu.

Verðið hækkaði um 2,88 dali tunnan á markaði í New York í dag og fór í 114,65 dali. Í Lundúnum hækkaði verðið um 2,65 dali og var 114,60 dalir síðdegis.

Um tíma í dag lækkaði olíuverðið niður fyrir 110 dali en hækkaði á ný eftir ummæli Rafael Ramirez, olíumálaráðherra Venesúela.

• 2 blogg um fréttina

Bloggað um fréttina

• Snorri Bergz: Olíuverðið hækkar
• Reynir W Lord: Tilmæli til Olíufélaganna