Olíuverð niður fyrir 112 dali tunnan
Verð á hráolíu hefur lækkað í morgun
Reuters
Setja bókamerki
Verð á hráolíu fór niður fyrir 112 dali tunnan í viðskiptum í Asíu í morgun þegar í ljós kom að hitabeltisstormurinn Fay hefur ekki skaðað olíuframleiðslu í Mexíkóflóa. Verð á hráolíu til afhendingar í september lækkaði um 97 sent í morgun og er 111,90 dalir tunnan í rafrænum viðskiptum á NYMEX markaðnum í New York.
Í gær lækkaði verð á hráolíu um 90 sent og var lokaverð á NYMEX í gærkvöldi 112,87 dalir tunnan. Er það í fyrsta skipti síðan 1. maí sem lokaverð á hráolíu fer niður fyrir 113 dali tunnan.
Í Lundúnum lækkaði verð á Brent Norðursjávarolíu til afhendingar í október um 1,04 dali í morgun og er 110,90 dalir tunnan.
Fyrsti blaðamannafundurinn í heild sinni
Samfylking og Viðreisn gáfu loforð
„Þetta er ríkisstjórn almannahagsmuna“
Var engin kristnitaka árið 1000?
„Börn heima sem maður myndi vilja hafa í skjóli“
Skattamál verði líklega „þeirra mesta klemma“
Lát hjóna í Neskaupstað: Ákæra gefin út
