Verð á hráolíu nálgast 117 dali tunnan

Verð á hráolíu fór upp fyrir 116 dali tunnan í viðskiptum í Asíu í morgun. Verð á hráolíu til afhendingar í október hækkaði um 1,20 dali og er 116,76 dalir tunnan í rafrænum viðskiptum á NYMEX markaðnum í New York.

Hráolíuverð hækkaði um 1,01 dal tunnan í 115,56 dali tunnan á NYMEX markaðnum í gærkvöldi þrátt fyrir að birgðir af hráolíu hafi stóraukist í Bandaríkjunum í liðinni viku. Hins vegar minnkuðu bensínbirgðir mun meira heldur en spáð hafði verið eða um 6,2 milljónir tunna og eru minni heldur en þær eru venjulega, samkvæmt upplýsingum frá Orkumálaráði Bandaríkjanna.

Í Lundúnum hækkaði verð á Brent Norðursjávarolíu til afhendingar í október um 94 sent í morgun í 115,30 dali tunnan.

• 1 blogg um fréttina

Bloggað um fréttina

• Reynir W Lord: Og þá hækka þeir! er það ekki