Hráolíuverð niður fyrir 120 dali á ný

Verð á hráolíu lækkaði á ný í dag eftir að hafa hækkað umtalsvert í verði í gær vegna deilna Rússa og vesturveldanna eftir innrás Rússa inn í Georgíu. Verð á hráolíu til afhendingar í október hefur lækkað um 1,70 dali tunnan í 119,48 dali á NYMEX markaðnum í New York.

Verð á Brent Norðursjávarolíu til afhendingar í október hefur lækkað um 1,65 dali tunnan í 118,51 dal í Lundúnum í dag.

Í gær hækkaði verð á hráolíu um tæplega sex dali tunnan og fór um tíma yfir 122 dali tunnan í viðskiptum í New York.

• 1 blogg um fréttina

Bloggað um fréttina

• Guðjón Sigþór Jensson: Olíuverðið og samráð olíufélaganna