Olíuverð hækkar lítillega

Verð á hráolíu fór á ný yfir 115 dali tunnan í viðskiptum í Asíu í morgun.  Nam hækkunin í morgun 88 sentum á tunnu og var 115,47 dalir í rafrænum viðskiptum á NYMEX markaðnum í New York. Verð á hráolíu lækkaði um 6,59 dali á föstudagskvöldið og var lokaverð hennar 114,59 dalir tunnan á NYMEX markaðnum.

Verð á Brent Norðursjávarolíu til afhendingar í október hækkaði um 72 sent í 114,62 dali tunnan í viðskiptum í Lundúnum í morgun.

• 2 blogg um fréttina

Bloggað um fréttina

• Jakob Falur Kristinsson: Olíuverð
• Reynir W Lord: Sniðganga N1 og Skeljung