Olíuverð fer lækkandi

Olíuverð lækkaði í dag vegna sterkara gengis Bandaríkjadals en slík gengishækkun gerir hráolíu af Bandaríkjamarkaði dýrari fyrir erlenda kaupendur og leiðir því iðulega til minni eftirspurnar að sögn sérfræðinga.

Verð á hráolíu á New York-markaði til afhendingar í október, féll um 1,73 dali í 113,38 dali á tunnu.

Brent North Sea hráolía af Lundúnamarkaði fyrir október, féll um 1,58 dali í 112,45 á tunnu.

Hráolíuverð hefur lækkað úr methæðum yfir 147 dali á tunnu síðan í júlí, en verðið skaust úr 100 dölum í byrjun árs.

Að mati sérfræðinga á hefur erfitt efnahagsástand í Bandaríkjunum, stærsta orkuneytanda heims, orðið til þess að minnka eftirspurn eftir olíu. Óttast er um minnkandið eftirspurn í Evrópu og víðar um heim.  

• 1 blogg um fréttina

Bloggað um fréttina

• Reynir W Lord: Sniðganga N1 og Skeljung allir saman nú.......