Mikið tap á rekstri HB Granda

Tap á rekstri HB Granda var 3198 millj­ón­ir króna á fyrri hluta árs­ins en á sama tíma­bili árið áður varð 2933 millj­óna króna hagnaður.

Rekstr­ar­tekj­ur fyrri árs­helm­ings voru 6917 millj­ón­ir en voru 7696 millj­ón­ir árið áður. Seg­ir fé­lagið að lægri tekj­ur skýrist einkum af mun minni afla. Þannig minnkaði veiði þorsks um 42% og loðnu um 47% vegna minnkaðra afla­heim­ilda, sem og ýsu um 31% vegna minni þorskveiði.

Fé­lagið seg­ir, að það sem af er seinni árs­helm­ingi 2008 hafi upp­sjáv­ar­skip HB Granda veitt rúm­lega 33 þúsund tonn af norsk-ís­lenskri síld og mak­ríl og sé afla­verðmætið rétt inn­an við einn millj­arð króna, sem er held­ur meira en heild­arafla­verðmæti skip­anna á fyrri árs­helm­ingi. Afl­inn hef­ur all­ur farið í bræðslu, mest í verk­smiðju fé­lags­ins á Vopnafirði. Tog­ar­ar fé­lags­ins hafa einnig aflað vel, einkum af ufsa.

HB Grandi

• 2 blogg um frétt­ina

Bloggað um frétt­ina

• Hall­grím­ur Guðmunds­son: Hér sjá­um við raun­veru­lega
• Ní­els A. Ársæls­son.: Tapa stórt þrátt fyr­ir gríðarleg op­in­ber fram­lög (rík­is­styrk­ir í formi …