Ikea græðir á tá og fingri

Sænska húsgagnakeðjan Ikea hefur hagnast vel á þessu ári. Forstjóri fyrirtækisins segir hins vegar í samtali við Dagens Industri í dag að eftir áratuga langa uppsveiflu sé farið að hægja á vexti fyrirtækisins.

Ikea, sem hefur aldrei verið skráð á hlutabréfamarkaðinum og greinir sjaldan frá fjárhagstöðu sinni, seldi vörur fyrir um 30 milljarða dali (um 2.700 milljarðar kr.) á síðasta fjárhagsári, sem lauk í ágúst. Frá þessu greindi Anders Dahlvig, framkvæmdastjóri Ikea, í samtali við vefútgáfu Dagens Industri.

Svo háar tölur hafa ekki sést frá því fyrirtækið var stofnað árið 1943. Þetta er þrefalt meiri sala en var árið 1999.

• 1 blogg um fréttina

Bloggað um fréttina

• Arnþór Ragnarsson: Flott fyrirtæki