Sterling dregur saman seglin

Danska lággjaldaflugfélagið Sterling, sem er í íslenskri eigu, virðist að sögn danskra fjölmiðla ætla að fækka áætlunarferðum í vetur um helming. Flugfélagið flýgur nú á 50 flugleiðum en samkvæmt vetraráætlun, sem birt hefur verið á heimasíðu félagsins og tekur gildi 26. október, verður ekki flogið á 24 þessara leiða frá októberlokum fram í mars.

Fram kemur á fréttavef Børsen, að margar þessara flugleiða tengist sumarleyfisferðum en athyglisvert sé, að ekki sé gert ráð fyrir flugi frá Kaupmannahöfn til Gautaborgar og Brussel í vetur.

Flugfélagið hóf áætlunarflug til Gautaborgar í mars sl. en hefur flogið milli Kaupmannahafnar og Brussen frá 2004. Kaupsýslumenn nota þessar flugleiðir mikið og Sterling hefur mótað þá stefnu, að auka þjónustu við viðskiptalífið og keppa þannig við SAS. 

• 1 blogg um fréttina

Bloggað um fréttina

• Brjánn Guðjónsson: Skúbb dagsins: Sterling siglir undir fölsku flaggi!