Kaupþing í viðræðum um yfirtöku á Roskilde banka
Setja bókamerki
Fullyrt er í Fréttablaðinu í dag, að Kaupþing hafi í ágúst átt í alvarlegum viðræðum um að yfirtaka Roskilde banka í Danmörku en hætt við á síðustu stundu þegar í ljós kom að staða danska bankans var verri en talið var. Danski seðlabankinn yfirtók Roskilde banka í kjölfarið.
Blaðið segir, að eigendur og stjórnendur Roskilde bank hafi átt í leynilegum viðræðum við Kaupþing og FIH, dótturfélag Kaupþings í Danmörku yfirtöku. Málið hafi verið mjög langt komið og hafi sérfræðingar Kaupþings fundað með yfirvöldum í dönsku fjármálalífi. Kaupþing dró sig hins vegar út úr viðræðunum þegar staða danska bankans skýrðist og tilkynnti seðlabanka Danmerkur það 28. ágúst. Daginn eftir tók seðlabankinn Roskilde banka yfir.
Að sögn Fréttablaðsins lá fyrir áætlun um að taka bankann yfir gegn yfirtöku skulda. Efnahagsreikningur Roskilde nam ríflega 500 milljörðum króna á síðasta ári og hefðu þetta því orðið ein stærstu fyrirtækjakaup í íslensku viðskiptalífi. Stærstu lífeyrissjóðir Danmerkur komu að tilboðinu ásamt Kaupþingi í félagi við fleiri þarlendar lánastofnanir. Danske bank átti að koma að frekari fjármögnun eftir yfirtökuna.
„Það er verið að kalla eftir okkur“
Fundar með Þorgerði og Ingu eftir hádegi
Var ráfandi við Alþingi eins og innbrotsþjófur
Fljúga með dróna yfir Ölfusá í dag
„Það vantar bara brjóstin og gleraugun á Loga“
Fundurinn hófst með söng: „Við stöndum þétt saman“
Á þriðja hundrað strikuðu yfir eða færðu Þórð
Þungir dómar í Sólheimajökulsmáli
