Gengi bréfa deCODE aðeins 50 sent

Gengi hlutabréfa deCODE, móðurfélags Íslenskrar erfðagreiningar, hefur hrunið á bandaríska Nasdaqmarkaðnum það sem af er vikunni. Í gær lækkuðu bréfin um nærri 19% og í dag lækkuðu þau um 27,54% og er gengi þeirra aðeins 50 sent, hefur aldrei verið lægra.

Miðað við þetta gengi er markaðsvirði deCODE 30,9 milljónir dala, jafnvirði tæpra 2,9 milljarða króna.

Bréf deCODE voru skráð á Nasdaq  í júlí árið 2000 að undangengnu útboði þar sem útboðsgengi var 18 dalir á hlut. Fyrsta viðskiptadaginn á Nasdaq fór gengi bréfanna upp í 31,5 dali en fór síðan ört lækkandi eftir það. 

Áður hafði verð á hlutabréfum félagsins farið yfir 60 dali á gráa markaðnum svonefnda hér á landi.

• 3 blogg um fréttina

Bloggað um fréttina

• Jac Norðquist: Er ekki hægt.....
• Einar Vignir Einarsson: Þetta er eitt mesta rán sem framið hefur verið framkvæmt …
• Jón Magnússon: Virði bréfa deCode hefur aldrei verið 50 senta virði.