Vilja kaupa lengri áætlunarleiðirnar af SAS

Finnska flugfélagið Finnair hefur áhuga á að kaupa áætlun skandinavíska flugfélagsins SAS á lengri leiðum „ef þær eru til sölu,“ sagði Jukka Heinonen, forstjóri Finnair.

Í síðustu viku var tilkynnt að þýska félagið Lufthansa væri að kanna möguleika á að yfirtaka SAS, sem átt hefur í fjárhagsvandræðum.

Heinonen tjáir fréttastofunni NTB að kaup á langleiðakerfi SAS væru eðlilegt skref fyrir Finnair til að gera félagið samkeppnishæfara á alþjóðamarkaði.

En Finnair á líka við vandkvæði að etja, hækkandi eldsneytiskostnað og harða samkeppni á alþjóðamarkaði. Í vikunni tilkynnti félagið að 400 manns yrði sagt upp eftir að samningaviðræður við stéttarfélög fóru út um þúfur.

• 1 blogg um fréttina

Bloggað um fréttina

• Jakob Falur Kristinsson: Flugfélög