Seðlabanki Íslands bendir á að  Vísir.is hafi leiðrétt tímasetningu á frétt um boðun á blaðamannafund Seðlabankans og Þorsteinn Már Baldvinsson vísar til í yfirlýsingu. Var frétt Vísis tímasett klukkan 9:16 en hið rétta sé að póstur með fundarboðinu hafi borist frá Seðlabankanum klukkan 9:25.

„Fréttin á visir.is sem vísað er til í 4. lið yfirlýsingar Þorsteins Más Baldvinssonar, var ekki skrifuð kl. 09.16 heldur var um að ræða uppfærða frétt sem var skrifuð á þeim tíma um að FME hefði stöðvað viðskipti með bréf Glitnis í Kauphöllinni. Ritstjórn barst póstur frá Seðlabanka Íslands kl. 9.25 og var fréttin uppfærð þá. Í öllum látunum gleymdist hins vegar að uppfæra tímann á fréttinni," segir í athugasemd sem fréttastjóri Vísis birti á vefnum fyrir skömmu.

Í yfirlýsingu Þorsteins Más segir:

„Það að Seðlabanki Íslands sendi ekki frá sér tölvupóst fyrr en kl. 9:25, þar sem formlega er boðað til blaðamannafundar kl. 9:20, breytir því ekki að búið var að boða menn munnlega til blaðamannafundar t.d. sbr. frétt á visir.is kl. 9:16.

Ég stend því við fyrri orð mín um aðdraganda þessa máls. Nú skiptir mestu að allir aðilar snúi bökum saman og leiti leiða til þess að takast á við þá áskorun sem íslenskt efnahagslíf stendur frammi fyrir um þessar mundir.

Ég legg áherslu á að vinnufriður skapist fyrir starfsmenn og stjórnendur Glitnis og mun því ekki tjá mig frekar um samskipti mín við starfsmenn Seðlabanka Íslands," segir í yfirlýsingu frá stjórnarformanni Glitnis.

Tengdar fréttir

Bankakreppa

Biðu sömu örlaga og Ísland

• Vilja að bankarnir endurgreiði aðstoðina
• Merki um siðrof í þjóðfélaginu
• Eignir metnar á 775 milljarða
• Auknar álögur á íbúa Grimsby

» Fleiri tengdar fréttir

• 1 blogg um fréttina

Bloggað um fréttina

• Heimir Lárusson Fjeldsted: Hrópa svo á torgum eins og vitfirrtir að seðlabankastjóri beri …